HAK-hala’o Input Tracking ba Sistema Bee Moos, Postu Same Munisípiu Manufahi
Manufahi-HAK hamutuk parseiru dezenvolvimentu SMASA, autoridade lokál, Grupu Maneja Fasilidade-GMF, Fasilitador Apoiu Administrador -FPA no komunidade Benefisiariu iha sistema bee moos, sistema Rosata no Sarmata ne'ebé fornese ba komunidade benefisiariu suku Letefoho, Postu-Administrativu Same.
Iha atividade Input Tracking HAK hamutuk ho entidade relevante sira inklui komunidade benefisiariu diretamente ba too iha bee matan hodi halo observasaun ba sistema bee refere ho objetivu haree direita kondisaun bee matan no fasilidade sira ne'ebé iha hanesan tanke kaptasaun, iha tempu hanesan ekipa halo kedas teste kualidade bee ne'ebé fornese ba komunidade benefisiariu sira konsumu. Remata husi vizita bee matan ekipa kontinua rekolla informasaun sira relasiona ho sistema bee refere bazeia ba indikadór sira sistema bee Rural nian ne'ebé utiliza iha prosesu Kartaun Pontuasaun Komunidade (KPK) hodi input ba sistema aplikasaun mWater no observa direta fasilidade Torneira Publiku ne'ebé instala ona.
